Sermon Title: BALAAN NGA KALAYO
Sermon Text: MGA BUHAT 2:1-13
Sermon Series: DILI MAPUGNGAN:Serye sa Wali Pinaagi sa Basahon sa Mga Buhat. Unang Bahin. Pagsugod nga Puno sa Espiritu
By: PTR MATIAS MAHUSAY SR.
MGA BUHAT 2:1-13 (ABCEB)
1 Sa pag-abot sa adlaw sa Pentecostes, silang tanan nagkatigom sa usa ka dapit. 2 Ug sa kalit dihay tingog gikan sa langit nga sama sa huros sa kusog nga hangin ug milukop sa tibuok balay diin didto sila nanglingkod. 3 Unya dihay mipakita kanila nga mga dila nga daw kalayo, nga naapod-apod ug diha sa ibabaw sa matag usa kanila. 4 Ug silang tanan napuno sa Espiritu Santo ug misugod sa pagsulti sa laing mga pinulongan, sumala sa gipalitok kanila sa Espiritu.
5 Niadtong panahona didtoy mga Judio nga nagpuyo sa Jerusalem, mga tawong relihiyoso gikan sa tanang nasod ubos sa langit. 6 Ug tungod niini nga kabanha, ang daghang mga tawo nagpundok ug sila nangalibog kay ang matag usa kanila nakadungog nga gisulti ang ilang kaugalingong sinultihan. 7 Sila natingala ug nahibulong, nga nag-ingon, “Tan-awa, dili ba nga kini silang tanan nga nagsulti mga Galileanhon man? 8 Ug naunsa ba nga kita nakadungog, ang matag usa kanato sa kaugalingon natong sinultihan nga natawhan? 9 Kitang mga taga-Partia, mga taga-Media, mga taga-Elam, mga nagpuyo sa Mesopotamia, sa Judea ug sa Capadocia, sa Ponto ug sa Asia, 10 Frigia ug Panfilia, Ehipto ug sa kayutaan sa Libya nga sakop sa Cirene, ug mga langyaw gikan sa Roma, mga Judio ug mga kinabig, 11 mga taga-Creta ug mga taga-Arabia, kita nakadungog kanila nga nagsulti sa atong kaugalingong pinulongan mahitungod sa mga gamhanang buhat sa Dios.” 12 Ug ang tanan nahibulong ug nangalibog nga nag-ingon sa usa ug usa, “Unsa man kahay gipasabot niini?” 13 Apan ang uban nga nagbugalbugal miingon, “Sila nangahubog sa tam-is nga bino.”
KINATIBUK-AN SA WALI
Mahinungdanong 3 ka Punto:
1. Ang Katumanan (Mga Buhat 2:1-4)
Dili kini gikan sa pagkahibalo sa tanang tubag ug sa pagbati nga kita masaligon. Mao Kini Ang Katumanan ug gikan kini sa Balaang Espiritu nga gisaad sa Dios.
2. Ang Kasaligan (Mga Buhat 2:5-7)
Ang Dios ang mopili sa Iyang Kasaligan nga mosangyaw sa ebanghelyo sa kaluwasan.
3. Ang Katuyo-an (Mga Buhat 2:12-13)
Ang katuyoan sa Dios mao ang dili kapugngan nga pagpakaylap sa Iyang pagtulon-an sa tanang suok sa kalibutan.