Sermon Title: ANG BALAANG PAGTUDLO
Sermon Text: MGA BUHAT 8:26-40
Sermon Series: DILI MAPUGNGAN: Serye sa Wali Pinaagi sa Basahon sa Mga Buhat. | Ikatulong Bahin. Natumpag nga Paril
By: PTR MATIAS MAHUSAY SR.
MGA BUHAT 8:26-40 (ABCEB)
Si Felipe ug ang Yunoko nga Etiopianhon
²⁶ Apan usa ka anghel sa Ginoo miingon kang Felipe, “Tindog ug lakaw paingon sa habagatan, sa dalan nga gikan sa Jerusalem padulong sa Gaza.” Awaaw kini nga dalan. ²⁷ Busa si Felipe mitindog ug miadto. Ug tan-awa, usa ka Etiopianhon nga yunoko ug alagad ni Candace, ang rayna sa mga Etiopianhon, tinugyanan sa tanang bahandi niini, miadto sa Jerusalem aron sa pagsimba ²⁸ ug padulong na sa pagpauli, naglingkod sa iyang karwahi, nagbasa siya sa basahon sa propeta nga si Isaias. ²⁹ Ug ang Espiritu miingon kang Felipe, “Duol ug kuyog nianang karwahi.” ³⁰ Busa si Felipe midagan ngadto kaniya ug nakadungog kaniya nga nagbasa sa basahon sa propeta nga si Isaias ug siya nangutana, “Nakasabot ka ba sa imong gibasa?” ³¹ Ug siya mitubag, “Unsaon man nako pagkasabot, gawas kon adunay magtudlo kanako?” Ug iyang gidapit si Felipe sa pagsakay ug sa paglingkod tupad kaniya. ³² Ug ang bahin sa kasulatan nga iyang gibasa mao kini:
“Sama sa karnero nga gidala ngadto sa ihawan,
o sa nating karnero nga hilom sa atubangan sa nagputol sa iyang buhok, wala usab niya bukha ang iyang baba.
³³ Sa pagpakaulaw kaniya ang hustisya gihikaw kaniya.
Kinsa ang makahulagway sa iyang kaliwatan?
Kay ang iyang kinabuhi gikuha na man gikan sa yuta.”
³⁴ Ug ang yunoko miingon kang Felipe, “Suginli ako, kinsa man ang gipasabot niini sa propeta, mahitungod ba sa iyang kaugalingon o mahitungod sa laing tawo?” ³⁵ Unya si Felipe misulti, ug sugod sa maong bahin sa kasulatan siya misaysay kaniya sa Maayong Balita mahitungod kang Jesus. ³⁶ Sa nagpadayon sila sa pagpanaw naabot sila ug tubig, ug ang yunoko miingon, “Tan-awa, anaay tubig! Unsa pa may makapugong sa pagbautismo kanako?” ³⁸ Ug misugo siya sa pagpahunong sa karwahi, ug silang duha, si Felipe ug ang yunoko, nanaog ngadto sa tubig ug gibautismohan niya siya. ³⁹ Ug sa nakahaw-as na sila gikan sa tubig, ang Espiritu sa Ginoo misakmit kang Felipe, ug ang yunoko wala na makakita kaniya ug mipadayon sa iyang lakaw nga nagmalipayon. ⁴⁰ Apan si Felipe nakit-an didto sa Asutos ug sa iyang pag-agi didto, iyang giwali ang Maayong Balita sa tanang kalungsoran hangtod sa iyang pag-abot sa Cesarea.
KINATIBUK-AN SA WALI
3 KA PUNTO NGA ATONG PAGATUN-AN:
1.Ang Dios ang Naggiya (vv. 26-29)
Kini ang balaang direksyon pagsunod sa giya sa Dios.
2.Ang Dios Nag-andam sa Kasingkasing (vv. 30–35)
Kini ang pag-andam sa Dios aron ang kasulatan mabuksan ug masabtan.
3.Ang Dios Nagbag-o sa Kinabuhi (vv. 36–40)
Kini ang balaang desisyon pagtubag pinaagi sa pagtoo sa Dios.