Sermon Title: LAKANG SA PAGSUNOD NGA MATINUD-ANON
Sermon Text: MGA BUHAT 1:12-26
Sermon Series: DILI MAPUGNGAN: Serye sa Wali Pinaagi sa Basahon sa Mga Buhat.
Unang Bahin. Pagsugod nga Puno sa Espiritu
By: PTR MATIAS MAHUSAY SR.
MGA BUHAT 1:12-26 (ABCEB)
Ang Puli kang Judas
12 Unya namalik sila sa Jerusalem gikan sa bungtod nga ginganlan ug Olibo nga duol sa Jerusalem, nga ang gilay-on sama sa usa ka adlawng igpapahulay nga lakaw.13 Ug sa nakasulod na sila, misaka sila sa lawak sa taas diin didto sila magpuyo, sila si Pedro, si Juan, si Santiago ug si Andres, si Felipe, si Tomas, si Bartolome, si Mateo, si Santiago nga anak ni Alfeo, si Simon nga Zelote ug si Judas nga anak ni Santiago. 14 Kini silang tanan nagpadayon sa paghiusa sa pag-ampo, kauban sa mga babaye ug kang Maria nga inahan ni Jesus ug sa iyang mga igsoong lalaki.
15 Niadtong mga adlawa si Pedro mitindog taliwala sa kaigsoonan nga ang gidaghanon mga 120 ka tawo, ug siya miingon, 16 “Mga igsoon, kinahanglan nga matuman gayod ang kasulatan nga gisulti kaniadto sa Espiritu Santo pinaagi sa baba ni David mahitungod kang Judas nga nahimong tigtultol sa mga nagdakop kang Jesus. 17 Kay kadto siya apil man kanamo ug nakadawat sa iyang bahin niining maong buluhaton. 18 (Kining tawhana mipalit ug yuta pinaagi sa suhol sa iyang pagkadaotan. Ug sa dihang nahulog siya nga nag-una ang ulo, mibuto ang iyang tiyan ug migawas ang iyang tinai. 19 Ug nahibaloan kini sa tanang nagpuyo sa Jerusalem nga tungod niana ang yuta ginganlan ug Akeldama sa ilang sinultihan, nga sa ato pa, Yuta nga Dugoon.) 20 Kay gisulat kini diha sa basahon sa mga Salmo,
‘Mahimo untang mingaw ang iyang yutang puluy-anan, ug dili na kini puy-an ug tawo,’ ug ‘Ang iyang katungdanan ipakuha sa lain.’
21 Busa usa sa mga tawo nga nakig-uban kanamo sulod sa tanang panahon nga ang Ginoong Jesus misulod ug migula uban kanamo, 22 sukad sa pagpamautismo ni Juan hangtod sa adlaw nga siya gibayaw gikan kanato—usa niining mga tawhana nga kinahanglan mahimong usa ka saksi uban kanamo mahitungod sa iyang pagkabanhaw.” 23 Unya ilang gipaatubang ang duha ka tawo, si Jose nga ginganlan ug Barsabas nga gianggaan ug Justo, ug si Matias. 24 Ug nag-ampo sila nga nag-ingon, “Ginoo, ikaw nga nahibalo sa mga kasingkasing sa tanang tawo, ipaila kinsa niining duha ang imong gipili 25 nga maoy mopuli diha niining buluhaton ug sa pagkaapostol nga gibiyaan ni Judas nga miadto sa iyang kaugalingong dapit.” 26 Unya sila nagripa alang kanila ug si Matias mao ang natumngan ug siya giisip nga kauban sa napulo ug usa ka apostoles.
KINATIBUK-AN SA WALI
3 KA MAHINUNGDANONG PUNTO:
1. Nagkahiusa sa Makanunayong Pag-ampo (Mga Buhat 1:12-14)
Kini ang Pagpaabot nga masinugtanon pinaagi sa walay hunong nga
pag-ampo.
2. Nagbarog nga Lig-on diha sa Pulong (Mga Buhat 1:15-20)
Dinhi gibase ug gipahiluna ang desisyon sumala sa kasulatan.
3. Nagsalig sa Paggiya sa Dios (Mga Buhat 1:21-26)
Gikinahanglan ang Bug-os nga Pag-ila ug pagsalig sa Direksyon sa
Dios