Sermon Title: WALAY KATUMBAS NGA GASA
Sermon Text: MGA BUHAT 8:4-54
Sermon Series: DILI MAPUGNGAN: Serye sa Wali Pinaagi sa Basahon sa Mga Buhat. | Ikatulong Bahin. Natumpag nga Paril
By: PTR MATIAS MAHUSAY SR.
MGA BUHAT 8:4-25 (ABCEB)
Ang Maayong Balita Gisangyaw didto sa Samaria
⁴ Ug ang mga nagkabulagbulag miadto sa nagkalainlaing dapit nga nagwali sa pulong. ⁵ Si Felipe milugsong ngadto sa usa ka siyudad sa Samaria diin iyang giwali kanila ang Cristo. ⁶ Ug ang katawhan nagkahiusa sa pagpamati sa gisulti ni Felipe sa dihang nakadungog ug nakakita sila sa mga milagro nga iyang gibuhat. ⁷ Kay gikan sa daghang mga giyawaan nanggula ang mga hugaw nga espiritu, nga nagsinggit sa kusog nga tingog ug nangaayo ang daghang mga paralitiko o mga bakol. ⁸ Busa dihay dakong kalipay niadtong siyudara.
⁹ Unya dihay usa ka tawo nga ginganlan ug Simon nga kaniadto tigsalamangka didto niadtong siyudara ug nakapahibulong sa mga tawo sa Samaria, nag-ingon nga siya usa ka bantogang tawo. ¹⁰ Silang tanan namati kaniya, gikan sa labing gamay ngadto sa labing dako, nga nag-ingon, “Kining tawhana mao ang gahom sa Dios nga ginganlan ug Bantogan.” ¹¹ Ug sila namati kaniya tungod kay sa dugay nga panahon sila gipahibulong man niya pinaagi sa iyang salamangka. ¹² Apan sa diha nga mituo sila kang Felipe sa pagwali niya sa Maayong Balita mahitungod sa gingharian sa Dios ug sa ngalan ni Jesu-Cristo, sila gibautismohan, mga lalaki ug mga babaye. ¹³ Bisan si Simon usab mituo, ug sa nabautismohan na, nagpabilin siya kang Felipe. Ug sa iyang pagkakita sa mga ilhanan ug mga dagkong milagro nga nangahimo, siya nahibulong.
¹⁴ Unya sa pagkadungog sa mga apostoles didto sa Jerusalem nga ang Samaria midawat sa pulong sa Dios, sila mipadala kang Pedro ug Juan ngadto kanila ¹⁵ nga sa ilang pag-abot, nag-ampo alang kanila nga unta makadawat sila sa Espiritu Santo, ¹⁶ kay wala pa man kanilay nakunsaran niini ug sila igo man lamang nabautismohan sa ngalan sa Ginoong Jesus. ¹⁷ Busa gipandong nila ang ilang mga kamot ngadto kanila ug nadawat nila ang Espiritu Santo. ¹⁸ Sa pagkakita ni Simon nga ang Espiritu gikahatag man pinaagi sa pagpandong sa mga kamot sa mga apostoles, mitanyag siya kanila ug salapi. ¹⁹ Siya miingon, “Hatagi usab ako niining gahoma aron nga bisan kinsay akong pandongan sa akong mga kamot makadawat sa Espiritu Santo.” ²⁰ Apan si Pedro miingon kaniya, “Ang imong salapi malaglag unta uban kanimo, kay ikaw naghunahuna nga mabatonan nimo ang gasa sa Dios pinaagi ug salapi! ²¹ Ikaw walay bahin o luna niining butanga kay ang imong kasingkasing dili matarong sa atubangan sa Dios. ²² Busa paghinulsol sa imong pagkadaotan ug pag-ampo sa Ginoo nga, kon mahimo, pasayloon ikaw nianang katuyoan sa imong kasingkasing. ²³ Kay nakita nako nga ikaw anaa sa kapaitan ug naulipon sa sala.” ²⁴ Ug si Simon mitubag, “Iampo ako ninyo sa Ginoo nga wala untay mahitabo kanako sa inyong gisulti.”
²⁵ Unya sa nakapamatuod ug nakasulti na sila sa pulong sa Ginoo, sila mibalik sa Jerusalem, nagwali sa Maayong Balita ngadto sa daghang mga balangay sa mga Samarianhon.
KINATIBUK-AN SA WALI
3 KA PUNTO NGA ATONG PAGATUN-AN:
- Naguba ang Babag, ang Binhi Nasabwag
- Nagpundar ug Pamilya Dili Iglesia.
- Ang Grasya sa Dios Dawaton ug Kuptan, Dili Bayran.