Mahinungdanon ang kaalam sa Dios kay sa Limitadong kaalam sa Tawo.
Sermon Title: PAGKINABUHI ATUBANGAN SA DIOS ILAWOM SA ADLAW
Sermon Text: ECCLESIASTES 12:1-14 (ANG BIBLIA)
Sermon Series: ILALOM SA ADLAW, ATUBANGAN SA DIOS: Usa ka Panaw Pinaagi sa Ecclesiastes
By: PTR MATIAS MAHUSAY SR.
Sermon Notes:
ECCLESIASTES 12:1-14 (ANG BIBLIA)
1 Hinumdomi usab ang imong Magbubuhat sa mga adlaw sa imong pagkabatan-on, sa dili pa moabot ang daotan nga mga adlaw, ug ang mga tuig magkaduol sa diha nga ikaw moingon, “Wala na akoy kalipay diha niini”;
2 sa dili pa ang adlaw ug ang kahayag ug ang bulan ug ang mga bituon pangitngitan ug ang kapanganoran mobalik human sa ulan;
3 sa adlaw nga ang mga tigbantay sa balay mangurog, ug ang mga tawong kusgan mabako ug ang mga tiggaling mohunong tungod kay diyotay na lang sila ug kadtong nanambo sa mga tamboanan mangitngitan,
4 ug ang mga pultahan diha sa kadalanan tak-opan; sa diha nga ang dinahunog sa paggaling mahinay, ug adunay mobangon tungod sa tingog sa usa ka langgam, ug ang tanang mga anak nga babaye sa awit dad-on paubos;
5 mangahadlok usab sila niadtong habog, ug ang kalisang anaa sa dalan; ang kahoyng almendras mamulak, ang dulon mag-aginod sa iyang kaugalingon, ug ang tinguha mapakyas tungod kay ang tawo moadto sa iyang pinuy-anan nga dayon, ug ang mga nagbangutan magsuroysuroy sa kadalanan;
6 sa dili pa mabugto ang pisi nga plata, o mabuak ang bulawan nga panaksan o mabuak ang banga didto sa tubod o madugmok ang ligid didto sa atabay,
7 ug ang abog mobalik sa yuta sama kaniadto, ug ang espiritu mobalik ngadto sa Dios nga maoy naghatag niini.
8 Kakawangan sa mga kakawangan, nag-ingon ang Magwawali; ang tanan kakawangan.
Minubo nga Subay sa Tanan
9 Gawas sa pagkamaalamon, ang Magwawali nagtudlo usab sa katawhan ug kahibalo, nagsusi ug nagtuon ug naghan-ay sa mga panultihon nga maampingon.
10 Ang Magwawali nangita ug mga pulong nga makapahimuot, ug sa minatarong nagsulat ug mga pulong sa kamatuoran.
11 Ang mga pulong sa maalamon sama sa mga tugsok, ug sama sa mga lansang nga maayo nga pagkatarok ang mga pulong nga natigom nga gihatag sa usa ka tigbantay sa mga karnero.
12 Akong anak, pagbantay sa bisan unsa nga lapas niini. Sa pagbuhat ug daghan nga mga basahon walay kataposan, ug ang hilabihan nga pagtoon makapaluya sa unod.
13 Kini mao ang kataposan sa maong butang; ang tanan nadungog na. Kahadloki ang Dios, ug tumana ang iyang mga sugo, kay kini mao ang tibuok nga katungdanan sa tawo.
14 Kay ang Dios maghukom sa tanang buhat, sa tanang mga tinagoan, maayo man o dili.
I. MAHINUNGDANON ANG KANUNAY NGA PAGHINUMDOM SA DIOS
Ayaw paghulat nga ang kinabuhi maghinayhinay ug kawala sa dili ka pa makapakabana.
II. MAHINUNGDANON ANG KAALAM SA DIOS KAY SA LIMITADONG KAALAM SA TAWO
Mahinungdanon ang kaalam sa Dios kay sa Limitadong kaalam sa Tawo.
III. MAHINUNGDANON ANG MATAG GUTLO SA ATONG KINABUHI
Ang tinuod nga kaalam ug malungtarong kahulogan nagagikan sa kinabuhi nga nakasentro sa Dios, dili sa kaugalingon, nga misangko sa kahingangha ug pagkamasinugtanon.
Ang kinabuhi sa ilawom sa adlaw lumalabay lamang apan ang kinabuhi sa atubangan sa Dios puno ug malungtaron. Ug ang Usa nga nakakita sa matag gutlo nagdapit kanato nga dili mahadlok sa katapusan, apan sa pagkinabuhi nga maalamon hangtud nga kini moabut.