Sermon Title: PAGTOO UG GRASYA SA DIOS
Sermon Text: MARCOS 6:45-56 (ANG BIBLIA)
Sermon Series: PANALANGIN UG PAGDUHA-DUHA: NAKAILA KA BA GAYUD KANIYA
By: PTR MATIAS MAHUSAY SR.
Sermon Notes:
Marcos 7:24-30
24 Unya si Jesus mibiya niadtong dapita ug miadto sa kayutaan sa Tiro ug sa Sidon. Ug misulod siya sa usa ka balay, ug dili siya buot nga adunay masayod niini apan dili siya matagoan. 25 Apan dihadiha may usa ka inahan nga may gamay nga anak nga babaye nga gisudlan ug hugaw nga espiritu, nakadungog mahitungod kaniya, ug miadto unya mihapa sa tiilan ni Jesus. 26 Siya usa ka Grego nga kaliwat sa mga taga-Sirofenicia. Ug siya mihangyo kang Jesus nga unta pagulaon niya ang demonyo gikan sa iyang anak nga babaye. 27 Ug si Jesus miingon kaniya, “Kinahanglang pakan-on una ang mga anak, kay dili matarong nga kuhaon ang pan alang sa mga anak ug iitsa ngadto sa mga iro.” 28 Apan mitubag siya ug miingon kaniya, “Ginoo, bisan pa ang mga iro ilalom sa lamisa magkaon sa mga mumho gikan sa mga bata.” 29 Si Jesus miingon kaniya, “Tungod sa imong gisulti, lakaw, ang demonyo migawas na gikan sa imong anak.” 30 Ug siya mipauli, ug iyang nakita ang bata nga naghigda sa higdaanan ug wala na ang demonyo.
Mga Buhat 10:10-15
10 Unya siya gigutom ug nangandoy nga mokaon, apan samtang nag-andam pa sila niini, gipanglimotan siya ug nakakita ug panan-awon. 11 Ug iyang nakita ang langit nga nabukas ug gipaubos ang usa ka sudlanan nga sama sa usa ka dakong habol nga gitunton pinaagi sa upat ka kanto niini paingon sa yuta. 12 Sa sulod niini diha ang tanang matang sa mga mananap nga tag-upat ug tiil ug mga nagkamang sa yuta ug mga langgam sa kalangitan. 13 Ug dihay usa ka tingog nga miingon kaniya, “Tindog Pedro, pag-ihaw ug unya kan-a.” 14 Apan si Pedro miingon, “Dili gayod ako, Ginoo, kay wala pa gayod akoy nakaon nga dili putli o hugaw.” 15 Ug ang tingog nadungog niya sa ikaduhang higayon nga nag-ingon, “Unsay gihinloan na sa Dios, ayaw nganli ug dili putli.”
Marcos 7:19-23
19 kay dili man kini mosulod sa iyang kasingkasing kondili diha lamang sa iyang tiyan, unya mogula ra kini?” Sa ingon niana iyang gipahayag nga ang tanang pagkaon hinlo. 20 Ug siya miingon, “Ang mogula gikan sa tawo mao ang makapahugaw sa tawo. 21 Kay gikan sa sulod, gikan sa kasingkasing sa tawo, mogula ang mga daotang hunahuna, salawayong pakighilawas, pagpangawat, pagpatay, pagpanapaw, 22 kahakog, kadaotan, pagpanglimbong, kaulag, pagkadaotan ug tinan-awan, pagpasipala, pagkamapahitas-on, binuang. 23 Kining tanang daotan nga mga butang naggikan sa sulod, ug makapahugaw kini sa tawo.”
I. Paghangyo uban sa Mapaubsanong Kasingkasing
Marcos 7: 24-26
24 Unya si Jesus mibiya niadtong dapita ug miadto sa kayutaan sa Tiro ug sa Sidon. Ug misulod siya sa usa ka balay, ug dili siya buot nga adunay masayod niini apan dili siya matagoan. 25 Apan dihadiha may usa ka inahan nga may gamay nga anak nga babaye nga gisudlan ug hugaw nga espiritu, nakadungog mahitungod kaniya, ug miadto unya mihapa sa tiilan ni Jesus. 26 Siya usa ka Grego nga kaliwat sa mga taga-Sirofenicia. Ug siya mihangyo kang Jesus nga unta pagulaon niya ang demonyo gikan sa iyang anak nga babaye.
Geneses 12:3
3 Panalanginan nako ang nagpanalangin kanimo ug ang nagtunglo kanimo tunglohon usab nako ug pinaagi kanimo panalanginan ang tanang kabanayan sa yuta.”
Isaias 49:6
6 siya miingon,
“Gaan ra kaayo nga butang nga ikaw mahimong akong sulugoon aron sa pagbangon sa mga banay ni Jacob,
ug sa pagpabalik sa salin sa Israel; ako maghatag kanimo ngadto sa kanasoran ingon nga suga, aron ang akong kaluwasan moabot ngadto sa kinatumyan sa yuta.”
Mateo 28: 18-20
18 Ug si Jesus miduol ug miingon kanila, “Ang tanang kagahom sa langit ug sa yuta gihatag kanako. 19 Busa sa inyong pagpanglakaw himoang mga tinun-an ang tanang kanasoran, nga magbautismo kanila sa ngalan sa Amahan ug sa Anak ug sa Espiritu Santo, 20 nga magtudlo kanila sa pagtuman sa tanan nga akong gisugo kaninyo, ug tan-awa, ako mag-uban kaninyo kanunay hangtod sa kataposan sa kapanahonan.”
Mateo 15:22
22 Unya dihay usa ka babayeng Canaanhon nga tagadidto nga miduol ug misinggit nga nag-ingon, “Ginoo, Anak ni David, kaluy-i intawon ako! Ang akong anak nga babaye gidemonyohan pag-ayo.”
1 Juan 5:19
19 Kita nasayod nga kita iya sa Dios ug ang tibuok kalibotan anaa sa daotan.
Isaias 11:10
10 Nianang adlawa ang gamot ni Jesse magtindog ingon nga usa ka bandila sa mga katawhan. Kaniya mangita ang mga nasod, ug ang iyang puluy-anan mahimong mahimayaon.
Mga Taga-Roma 10:14
14 Apan unsaon man sa mga tawo sa pagtawag kaniya nga wala nila tuohi? Ug unsaon man nila sa pagtuo kaniya nga wala gayod nila madunggi? Ug unsaon man nila sa pagkadungog kon walay magwali?
Mateo 15:22
22 Unya dihay usa ka babayeng Canaanhon nga tagadidto nga miduol ug misinggit nga nag-ingon, “Ginoo, Anak ni David, kaluy-i intawon ako! Ang akong anak nga babaye gidemonyohan pag-ayo.”
II. Paghangyo nga Mapadayunon diha sa Pagtoo
Marcos 7:26-27
26 Siya usa ka Grego nga kaliwat sa mga taga-Sirofenicia. Ug siya mihangyo kang Jesus nga unta pagulaon niya ang demonyo gikan sa iyang anak nga babaye. 27 Ug si Jesus miingon kaniya, “Kinahanglang pakan-on una ang mga anak, kay dili matarong nga kuhaon ang pan alang sa mga anak ug iitsa ngadto sa mga iro.”
Mateo 15:23
23 Apan wala siya motubag kaniya, bisan ug usa ka pulong. Ug miduol kaniya ang iyang mga tinun-an ug gihangyo siya nila nga nag-ingon, “Papaulia na lang siya, kay kita gisunod niya nga nagsinggit.”
Mateo 15:24
24 Apan siya mitubag nga nag-ingon, “Ako gipadala ngadto lamang sa mga nangawalang karnero sa banay ni Israel.”
Mga Taga-Roma 1:16
16 Kay dili nako ikaulaw ang Maayong Balita, kay kini mao ang gahom sa Dios alang sa kaluwasan sa matag usa nga nagtuo, ngadto sa Judio una sa tanan ug unya ngadto sa Grego usab.
Mga Buhat 28:17
17 Ug mao kadto nga human sa tulo ka adlaw, iyang gipatawag ang mga kadagkoan sa mga Judio didto, ug sa nagtigom na sila, siya miingon kanila, “Mga igsoon, ako gitugyan nga binilanggo gikan sa Jerusalem ngadto sa mga kamot sa mga Romanhon, apan wala akoy nahimong bisan unsa nga supak sa katawhan o supak sa mga nabatasan sa atong mga katigulangan.
1 Juan 3:1
1 Tan-awa ninyo unsang gugmaha ang gihatag kanato sa Amahan nga kita tawgon nga mga anak sa Dios, ug kita mao. Ang hinungdan ngano nga ang kalibotan wala makaila kanato mao nga kini wala makaila kaniya.
Salmo 22:16
16 Ang mga iro naglibot kanako; usa ka panon sa mga tigbuhat ug daotan naglibot kanako; giduslak nila ang akong mga kamot ug ang akong mga tiil—
Mga Taga Filipos 3:2
2 Pagbantay kamo sa mga iro, pagbantay kamo sa mga tigbuhat ug daotan, pagbantay kamo sa mga tigputol sa unod.
III. Pagpakita sa Gamhanang Tubag ni Hesus
Marcos 7:28-30
28 Apan mitubag siya ug miingon kaniya, “Ginoo, bisan pa ang mga iro ilalom sa lamisa magkaon sa mga mumho gikan sa mga bata.” 29 Si Jesus miingon kaniya, “Tungod sa imong gisulti, lakaw, ang demonyo migawas na gikan sa imong anak.” 30 Ug siya mipauli, ug iyang nakita ang bata nga naghigda sa higdaanan ug wala na ang demonyo.
Mga Taga-Roma 3:10-12
10 sumala sa nasulat: “Walay matarong, bisan usa, 11 walay usa nga nakasabot, walay bisan usa nga nangita sa Dios. 12 Ang tanan mitipas, ug nangasayop silang tanan; walay nagbuhat ug maayo, wala
bisan usa.”
2 Cronicas 7:14
14 kon ang akong katawhan nga gitawag sa akong ngalan magpaubos sa ilang kaugalingon ug mag-ampo ug mangita sa akong nawong ug motalikod gikan sa ilang mga daotang pamaagi, ako mamati gikan sa langit ug magpasaylo sa ilang mga sala ug mag-ayo sa ilang yuta.
Mateo 15:28
28 Unya si Jesus mitubag kaniya nga nag-ingon, “O babaye, pagkadako sa imong pagtuo! Matuman alang kanimo ang imong gitinguha.” Ug dihadiha naayo ang iyang anak nga babaye.
Mateo 8:10
10 Sa pagkadungog ni Jesus kaniya, siya nahibulong ug miingon kanila nga nanguyog kaniya, “Sa pagkatinuod, sultihan ko kamo nga bisan sa Israel wala akoy nakitang pagsalig nga sama niini.
Marcos 11:22-23
22 Ug si Jesus miingon kanila, “Pagbaton ug pagtuo ngadto sa Dios. 23 Sa pagkatinuod sultihan ko kamo, nga si bisan kinsa nga moingon niining bukira, ‘Maalsa ka ug matambog ngadto sa dagat,’ ug dili magduhaduha sa sulod sa iyang kasingkasing, kondili motuo hinuon nga matuman gayod ang iyang gisulti, kini mahitabo gayod alang kaniya.
Santiago 1:6
6 Hinuon papangayoa siya diha sa pagtuo, sa walay pagduhaduha, kay siya nga nagduhaduha sama sa balod sa dagat nga gitulod ug gikusokuso sa hangin.
Salmo 139:4
4 Bisan sa dili pa malitok ang usa ka pulong sa akong dila,
ikaw, O Ginoo, nahibalo na sa tanan.
Marcos 7:29
29 Si Jesus miingon kaniya, “Tungod sa imong gisulti, lakaw, ang demonyo migawas na gikan sa imong anak.”
Santiago 4:10
10 Ipaubos ang inyong kaugalingon atubangan sa Ginoo ug siya magtuboy kaninyo.
Juan 6:37
37 Ang tanan nga gihatag kanako sa Amahan moari kanako ug siya nga moari kanako dili gayod nako isalikway.
2 Cronicas 26:16
16 Apan sa nalig-on na siya, ang iyang kasingkasing nagmapagarbohon ngadto sa pagkalaglag. Kay siya nakalapas batok sa Ginoo nga iyang Dios ug misulod siya sa Templo sa Ginoo aron sa pagsunog sa insenso ibabaw sa halaran sa insenso.