Sermon Title: GIPADAYAG ANG BILILHONG KATUYOAN SA DIOS
Sermon Text: MGA BUHAT 3:1-26
Sermon Series: DILI MAPUGNGAN:Serye sa Wali Pinaagi sa Basahon sa Mga Buhat. | Unang Bahin. Pagsugod nga Puno sa Espiritu
By: PTR MATIAS MAHUSAY SR.
MGA BUHAT 3:1-26 (ABCEB)
1 Unya si Pedro ug si Juan mitungas ngadto sa Templo sa panahon sa pag-ampo, sa ikatulo nga takna sa hapon.2 Didtoy usa ka lalaki nga bakol sukad pa sa iyang pagkatawo nga sa matag adlaw gibutang didto sa Templo, sa pultahan nga ginganlan ug Matahom aron mangayo ug limos kanila nga mosulod sa Templo. 3 Sa pagkakita niya kang Pedro ug kang Juan nga nagpaingon sa sulod sa Templo, nangayo siya ug limos. 4 Ug si Pedro, uban ni Juan, mitutok kaniya ug miingon, “Tan-aw kanamo.” 5 Ug siya naminaw kanila, nagpaabot nga adunay madawat gikan kanila. 6 Apan si Pedro miingon, “Wala akoy plata o bulawan, apan hatagan ko ikaw sa ania kanako. Sa ngalan ni Jesu-Cristo nga Nazaretnon, tindog ug lakaw.” 7 Ug iyang gikuptan siya sa tuong kamot ug gipatindog ug dihadiha nabaskog ang iyang mga tiil ug mga bukog sa tikod. 8 Unya siya milukso, mitindog ug milakaw ug misulod sa Templo uban kanila nga naglakaw ug nagluksolukso ug nagdayeg sa Dios. 9 Ang tanang tawo nakakita kaniya nga naglakaw ug nagdayeg sa Dios, 10 ug sila nakaila kaniya nga mao ang tawo nga naglingkoran sa Pultahang Matahom sa Templo aron sa pagpakilimos, ug sila napuno sa kahibulong ug katingala sa nahitabo kaniya.
Ang Mensahe ni Pedro Didto sa Templo
11 Samtang nagkupot pa siya kang Pedro ug kang Juan, ang tanang tawo nanagan ngadto kanila didto sa portico nga ginganlan ug iya ni Solomon. 12 Sa pagkakita ni Pedro niini, ang mga tawo iyang gisultihan, “Katawhan nga Israelinhon, nganong nahibulong man kamo niini, o nganong mitutok man kamo kanamo nga daw sa among kaugalingong gahom ug pagkadiosnon gipalakaw namo siya? 13 Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya. 14 Apan inyong gilimod ang Balaan ug Matarong, ug inyong gipangayo nga maoy buhian alang kaninyo ang usa ka mamumuno, 15 ug inyong gipatay ang Tigmugna sa kinabuhi, ang gibanhaw sa Dios gikan sa mga patay, ug kami mga saksi niini. 16 Ug ang iyang ngalan, pinaagi sa pagtuo sa iyang ngalan, nakapahimong baskog niining tawhana nga inyong nakita ug nailhan. Ug ang pagtuo pinaagi kang Jesus naghatag niining tawhana ug hingpit nga kahimsog sa atubangan ninyong tanan. 17 “Ug karon, kaigsoonan, ako nahibalo nga kamo nagbuhat diha sa pagkawalay alamag sama sa gibuhat sa inyong mga pangulo.” 18 Apan ang gisulti nang daan sa Dios pinaagi sa baba sa tanang mga propeta, nga ang Cristo kinahanglan gayod nga mag-antos, iyang gituman. 19 Busa paghinulsol kamo ug balik kamo kaniya aron mapapas ang inyong mga sala, aron ang mga panahon sa kahayahay moabot gikan sa presensiya sa Ginoo 20 ug aron iyang ipadala si Jesus, ang Cristo nga gitudlo alang kaninyo. 21 Siya sumala sa tanang gisulti sa Dios pinaagi sa baba sa iyang mga balaang propeta sukad pa sa unang panahon. 22 Kay si Moises miingon, ‘Ang Ginoong Dios magtuboy alang kaninyo ug usa ka propeta gikan sa inyong mga kaigsoonan sama sa iyang pagtuboy kanako. Mamati kamo kaniya sa bisan unsa nga iyang isulti kaninyo. 23 Ug ang tanan nga dili mamati sa maong propeta malaglag gikan sa katawhan.’ 24 Ug ang tanang mga propeta nga nagsulti sukad kang Samuel ug sa mga miabot human kaniya, nagsangyaw usab niining mga adlawa. 25 Kamo mao ang mga anak sa mga propeta ug sa kasabotan nga gihatag sa Dios ngadto sa inyong mga katigulangan. Ang Dios miingon kang Abraham, ‘Ug pinaagi sa imong kaliwat panalanginan ang tanang banay sa kalibotan.’ 26 Ang Ginoo nga nagtuboy sa iyang alagad, nagpadala kaniya pag-una nganha kaninyo aron sa pagpanalangin pinaagi sa pagpabiya sa matag usa kaninyo gikan sa inyong pagkadaotan.”
KINATIBUK-AN SA WALI
3 Ka Mahinungdanong Punto:
I – Himo-a nga Mahinungdanon ang imong pagtan-aw. (Mga Buhat 3:1-6)
Usbon nato ang atong mga pagdahom, ug hunongon ang pagpangayog mga teporaryong kahupayan kay ang Dios gusto nga mohatag kanato ug kumpletong kaayohan.
Ang usa ka simbahan nga puno sa Espiritu dili lamang makakita sa mga panon sa katawhan; kini nakamatikod sa mga tawo.
II – Ihatag ang Pasidungog ngadto kang Kristo lamang. (Mga Buhat 3:7-16)
Atong ibalhin ang pasidungog, ug himoon nga ang mahitabong milagro mahimong istrumento, nga makahatag ug kahimayaan dili sa atong kaugalingon kundili ngadto sa Dios.
Ang mabungahon nga ministeryo mahimong peligro sa higayon nga dili makasabot ang mga tawo.
Ang Dios makabuhat pinaagi kanimo nga wala ang maong buhat diha kanimo.
Ang kalamposan sa Kristohanong ministeryo dili kay ang mga tawo nakadayeg niini kanato, apan nga sila mahimong makadayeg kang Jesus.
III – Ibalhin ang Pagkawalay alamag ngadto sa Paghinulsol. (Mga Buhat 3:17-26)
Kinahanglang usbon nato ang atong postura, tungod kay ang tinuod nga kahayahay nagsunod lamang kini sa tinuod nga paghinulsol.
Ang grasya wala magkinahanglan kanato sa pagpamenos sa sala, ug ang kamatuoran wala magkinahanglan atong biyaan ang kalumo.
Ang paghinulsol dili lamang pagbati sa kasubo sa dalan sa imong luyo; kundili ang pagbalik ngadto sa dalan paingon sa Dios aron makabaton ikaw kinabuhi diha Kaniya.