Sermon Title: PAGGAHIN UG KAHIGAYUNAN
Sermon Text: MGA BUHAT 2:42-47
Sermon Series: DILI MAPUGNGAN:Serye sa Wali Pinaagi sa Basahon sa Mga Buhat.
Unang Bahin. Pagsugod nga Puno sa Espiritu
By: PTR MATIAS MAHUSAY SR.
MGA BUHAT 2:42-47 (ABCEB)
42 Sila migahin sa ilang kaugalingon sa mga pagtudlo sa mga apostoles, ug sa pagpakig-ambitay, sa pagpikaspikas sa pan ug diha sa mga pag-ampo. 43 Unya ang tanang tawo giabot ug kahadlok ug pinaagi sa mga apostoles nahimo ang daghang mga kahibulongan ug mga ilhanan. 44 Ug ang tanang mituo nagkahiusa ug ang tanang butang gisalohan sa tanan. 45 Ug gipamaligya nila ang ilang mga katigayonan ug mga kabtangan, ug kini ilang gibahinbahin sa tanan, sumala sa gikinahanglan ni bisan kinsa. 46 Unya matag adlaw sa mag-usa sila pagtambong didto sa Templo, ug sa pagpikaspikas sa pan diha sa ilang kabalayan, nagsalo sila sa pagpangaon nga may kasadya ug manggihatagon nga mga kasingkasing, 47 nagdayeg sa Dios ug nakapahimuot sa tanang tawo. Ug ang Dios nagdugang ug mga linuwas sa ilang gidaghanon matag adlaw.
KINATIBUK-AN SA WALI
3 Ka Mahinungdanong Punto:
1. Mag-andam sa Kahigayunan (v. 42-43)
Gihimo sa mga unang magtutuo nga prayoridad matag adlaw ang doktrina o pagtulon-an sa mga apostoles. Ang tinuod nga espirituwal nga pagtubo nagsugod sa pagkat-on ug pagsunod sa Pulong sa Dios.
2. Gamita ang kahigayunan (v. 44-45)
Ang tinuod nga komunidad sa mga Kristohanon mailhan pinaagi sa talagsaong pagkamanggihatagon, lawom nga panaghiusa, ug boluntaryong pasalig sa pag-atiman sa pisikal nga mga panginahanglan sa uban.
3. Paghatag ug Kahigayunan (v. 46-47)
Ang usa ka himsog ug nagtubo nga simbahan natukod diha sa inadlaw nga panag-uban, kinasingkasing nga kalipay, ug dayag nga pagpamatuod nga natural nga nagdani sa mga tawo ngadto sa Dios.
0 Comments