Ang pagsidiplina makapahinuli sa atong saktong panan-aw sa atong relasyon sa Dios
Sermon Title: ANG KABUG-ATON SA KALAMPUSAN
Sermon Text: 1 MGA CRONICAS 21:1-16 (ANG BIBLIA)
Sermon Series: PIKAS BAHIN: PAGTUON SA KINABUHI NI DAVID
By: PTR MATT MAHUSAY SR.
Sermon Notes:
1 MGA CRONICAS 21:1-16 (Ang Biblia)
1 Unya si Satanas mitindog batok sa Israel ug miaghat kang David sa pag-ihap sa Israel. 2 Busa si David miingon kang Joab ug sa mga tigmando sa kasundalohan, “Lakaw, ipha ang Israel sukad sa Beer-seba hangtod sa Dan ug suginli ako, aron mahibaloan nako ang ilang gidaghanon.” 3 Apan si Joab miingon, “Dugangan unta sa Ginoo ang iyang katawhan ug usa ka gatos ka pilo nga gidaghanon nila! Dili ba sila, akong agalon nga hari, silang tanan mga alagad sa akong agalon? 4 Apan ang pulong sa hari mipatigbabaw batok kang Joab. Busa si Joab milakaw ug milibot sa tibuok Israel ug mibalik sa Jerusalem. 5 Ug si Joab mihatag sa lista sa gidaghanon sa katawhan ngadto kang David. Sa tibuok Israel adunay 1,100,000 ka tawo nga naggamit ug espada ug sa Juda 470,000 ka tawo nga naggamit ug espada. 6 Apan wala niya ilakip ang Levi ug ang Benjamin sa pag-ihap kay ang sugo sa hari supak man kang Joab. 7 Apan ang Dios wala mahimuot niining butanga busa iyang gikastigo ang Israel. 8 Ug si David miingon sa Dios, “Ako nakasala ug dako gayod nga niana nabuhat nako kining butanga. Apan karon, nangamuyo ako kanimo, kuhaa ang kasal-anan sa imong alagad tungod kay ako nagbuhat gayod ug binuang.” 9 Ug ang Ginoo misulti kang Gad nga propeta ni David, nga nag-ingon, 10 “Lakaw ug sultihi si David, ‘Mao kini ang giingon sa Ginoo: Tulo ka butang ang akong itanyag kanimo; pagpili ug usa niini aron mabuhat nako kini kanimo.’ ” 11 Busa si Gad miadto kang David ug miingon kaniya, “Mao kini ang giingon sa Ginoo, ‘Pagpili sa imong gusto: 12 tulo ba ka tuig nga gutom, o tulo ka bulan nga paggun-ob sa imong mga kaaway samtang ang espada sa imong mga kaaway molutos kanimo, o tulo ba hinuon ka adlaw sa espada sa Ginoo, kamatay dinhi sa yuta ug ang anghel sa Ginoo maglaglag sa tibuok yuta sa Israel.’ Busa karon hunahunaa kon unsang tubaga ang akong dad-on balik ngadto kaniya nga nagpaanhi kanako.” 13 Unya si David miingon kang Gad, “Ako ania sa usa ka dakong kaguol; itugot nga ako mahulog ngadto sa kamot sa Ginoo kay dako kaayo ang iyang kaluoy apan ayaw itugot nga ako mahulog ngadto sa kamot sa tawo.” 14 Busa ang Ginoo nagpadala ug usa ka kamatay ngadto sa Israel ug didtoy nangapukan nga 70,000 ka tawo sa Israel. 15 Ug ang Dios nagpadala sa anghel ngadto sa Jerusalem aron sa paglaglag niini, apan sa diha nga laglagon na unta niya kini, ang Ginoo nakakita ug siya nasubo sa kadaotan, ug miingon siya sa tiglaglag nga anghel, “Igo na kana, karon ihunong ang imong kamot.” Ug ang anghel sa Ginoo nagtindog duol sa giokanan ni Ornan nga Jebusihanon. 16 Unya giyahat ni David ang iyang mga mata ug nakita ang anghel sa Ginoo nga nagtindog taliwala sa yuta ug sa langit, ug sa iyang kamot dihay espada nga gibakyaw paingon sa Jerusalem. Unya si David ug ang mga kadagkoan nga nagsul-ob ug sako mihapa.
I. PAMAAGI SA KAAWAY
II. ANG DIOS NAGPAHINUMDUM
III. KITANG TANAN MAKASALA
IV. ANG SALA ADUNAY TUGBANG
A. Ang Dios modisiplina kun kita makasala
Mga Hebreohanon 12:6 (Ang Biblia)
6 Kay ang Ginoo nagpanton kaniya nga iyang gihigugma, ug naglatos sa matag anak nga iyang gipangga.”
B. Ayaw ibalewala ang pagdisiplina sa Dios
Mga Panultihon 3:11 (Ang Biblia)
11 Anak ko, ayaw tamaya ang pagpanton sa Ginoo o maluya ikaw sa iyang pagbadlong,
C. Ang pagdisiplina makapahinuli sa atong saktong panan-aw sa atong relasyon sa Dios
Mga Hebreohanon 12:10 (Ang Biblia)
10 Kay sila nagpanton kanato sulod sa mubong panahon lamang sumala sa ilang gipakamaayo, apan siya nagpanton kanato alang sa atong kaayohan, aron kita makaambit sa iyang pagkabalaan.
Mga Taga-Galacia 5:16 (Ang Biblia)
16 Apan ako mag-ingon, pagkinabuhi kamo diha sa Espiritu ug ayaw ninyo tumana ang mga tinguha sa unod.