Ang pag-ihap sa oras nga molabay dili labing mahinungdanon, tandi sa paghimo nga mahinungdanon sa matag oras nga molabay.
Sermon Title: HIMOA’NG MAHINUNGDANON
Sermon Text: HAGEO 1:1-15 (ANG BIBLIA)
Sermon Series: HAGEO: KARON ANG TAKNA
By: PTR MATT MAHUSAY SR.
Sermon Notes:
Hageo 1:1-15 (Ang Biblia)
1 Sa ikaduhang tuig ni Hari Dario, sa ikaunom nga bulan, sa unang adlaw sa bulan, ang pulong sa Ginoo midangat pinaagi kang Hageo nga propeta ngadto kang Zerubabel nga anak ni Sealtiel, ang gobernador sa Juda, ug kang Josue nga anak ni Jehosadak, ang labawng pangulong pari.
2 Mao kini ang gisulti sa Ginoo sa mga panon: Kining katawhan nag-ingon nga ang panahon sa pagtukod pag-usab sa balay sa Ginoo wala pa moabot.” 3 Unya midangat ang pulong sa Ginoo pinaagi kang Hageo nga propeta,
4 “Panahon na ba alang kaninyo nga kamo magpuyo sa inyong mga binungbongan nga balay, samtang kining balaya nagpabilin nga guba? 5 Busa karon mao kini ang giingon sa Ginoo sa mga panon: Palandonga ang inyong kahimtang.
6 Nagpugas kamo ug daghan ug diyotay ra ang naani. Nagkaon kamo apan wala kamo makabaton ug igo, nanginom kamo apan wala kamo matagbaw. Nagbisti kamo sa inyong kaugalingon apan walay usa nga nainitan ug kadtong nagdawat ug suhol nagdawat sa suhol aron ibutang diha sa sudlanan sa salapi nga busloton.
7 Mao kini ang giingon sa Ginoo sa mga panon: Palandonga ang inyong kahimtang. 8 Tungas kamo sa bungtod ug pagdala ug kahoy ug tukora ang balay aron ako mahimuot niini ug nga ako makita diha sa akong himaya, nag-ingon ang Ginoo.
9 Nangita kamo ug daghan ug tan-awa, midangat kini sa pagkadiyotay ug sa diha nga gidala ninyo kini sa inyong balay, gihuyop nako kini. Ngano man? nag-ingon ang Ginoo sa mga panon. Tungod sa akong balay nga nagun-ob, samtang kamo, ang matag usa kaninyo, nagkapuliki sa iyang kaugalingong balay.
10 Busa ang mga langit ibabaw ninyo nagpugong sa tun-og ug ang yuta nagpugong sa iyang abot. 11 Ug ako nagtawag ug usa ka hulaw diha sa yuta ug sa kabukiran, diha sa trigo ug sa bag-ong bino, sa lana, ibabaw niadtong gipaturok sa yuta, ibabaw sa mga tawo ug sa kahayopan, ug sa tanan nilang hinagoan.”
12 Unya si Zerubabel nga anak ni Sealtiel ug si Josue nga anak ni Jehosadak, ang labawng pangulong pari, uban ang tanang nahibilin sa katawhan, mituman sa tingog sa Ginoo nga ilang Dios, ug sa pulong ni Hageo nga propeta ingon nga ang Ginoo nga ilang Dios nagpadala kaniya, ug ang katawhan nangahadlok diha sa atubangan sa Ginoo.
13 Unya si Hageo nga sinugo sa Ginoo, misulti ngadto sa katawhan sa mensahe sa Ginoo, “Ako nag-uban kaninyo, nag-ingon ang Ginoo.”
14 Ug giagda sa Ginoo ang espiritu ni Zerubabel nga anak ni Sealtiel, ang gobernador sa Juda, ug ang espiritu ni Josue nga anak ni Jehosadak, ang labawng pangulong pari, ug ang espiritu sa tanang nahibilin sa katawhan, ug sila miadto ug mibuhat diha sa balay sa Ginoo sa mga panon nga ilang Dios,
15 sa ika-24 nga adlaw sa bulan, sa ikaunom nga bulan.
I. UNAHA KANUNAY ANG DIOS
Hageo 1:4 (Ang Biblia)
4 “Panahon na ba alang kaninyo nga kamo magpuyo sa inyong mga binungbongan nga balay, samtang kining balaya nagpabilin nga guba?
1 Timoteo 5:8 (Ang Biblia)
8 Ug kon adunay tawo nga wala magsangkap alang sa iyang mga kadugo, ilabi na sa iyang panimalay, siya naglimod sa iyang pagtuo ug labaw pa siyang daotan kay sa dili magtutuo.
Sayun ra paghimo ug pasangil kun dili nimo priority ang Dios!”
Unaha kanunay ang Dios ang iyang katuyu-an ug himaya
II. PAGSUGOD PAG-USAB
III. ANG PANALANGIN SA PAGKAMASINUGTANON
Ang pag-ihap sa oras nga molabay dili labing mahinungdanon, tandi sa paghimo nga mahinungdanon sa matag oras nga molabay.