Talan-awon Gikan Sa Kweba

Ang paglangan sa Dios dili kinahanglan nagpasabot nga naglimod ang Dios.

Sermon Title: TALAN-AWON GIKAN SA KWEBA

Sermon Text: 1 SAMUEL 22:1-5; SALMO 142; 57 (ANG BIBLIA)

Sermon Series: PIKAS BAHIN: PAGTUON SA KINABUHI NI DAVID

By: PTR MATT MAHUSAY SR.


Sermon Notes:

1 SAMUEL 22:1-5 (Ang Biblia)

1 Busa si David mibiya gikan didto ug mikagiw ngadto sa langob sa Adulam, ug sa diha nga ang iyang mga igsoon ug ang tibuok nga panimalay sa iyang amahan nakadungog niini, sila nanglugsong ngadto kaniya.
2 Ang matag usa nga adunay kasakit, ug ang matag usa nga adunay utang, ug ang matag usa nga adunay pagmulo naghugpong sa ilang kaugalingon ngadto kaniya ug siya nahimong pangulo nila, ug dihay mga upat ka gatos ka tawo uban kaniya.
3 Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”
4 Ug gibilin niya sila sa hari sa Moab, ug sila nagpuyo uban kaniya sa tibuok panahon samtang si David diha sa sulod sa kuta.
5 Unya ang propeta nga si Gad miingon kang David, “Ayaw pagpabilin sa kuta, pahawa ug lakaw ngadto sa yuta sa Juda.” Busa si David mipahawa ug miadto sa kalasangan sa Heret.

2 Pedro 3:8-9 (Ang Biblia)

8 Apan mga hinigugma, ayaw ninyo ibaliwala kining butanga, nga alang sa Ginoo ang usa ka adlaw ingon sa usa ka libo ka tuig, ug ang usa ka libo ka tuig ingon sa usa ka adlaw.
9 Sa iyang saad ang Ginoo dili langaylangayan, nianang paglangaylangay nga gihunahuna sa uban. Apan siya mapailobon hinuon kaninyo, dili buot nga adunay mahanaw kondili nga ang tanan makakab-ot unta sa paghinulsol.

Unsa may imong buhaton kon ang panghitabo sukwahi sa imong gidahom?

Unsaon nimo pag-atubang ang mga paglangan sa Dios?

I. SIYA NAGPADAYON PAGPANGALAGAD SA DIOS

1 Samuel 22:1-2 (Ang Biblia)

1 Busa si David mibiya gikan didto ug mikagiw ngadto sa langob sa Adulam, ug sa diha nga ang iyang mga igsoon ug ang tibuok nga panimalay sa iyang amahan nakadungog niini, sila nanglugsong ngadto kaniya.
2 Ang matag usa nga adunay kasakit, ug ang matag usa nga adunay utang, ug ang matag usa nga adunay pagmulo naghugpong sa ilang kaugalingon ngadto kaniya ug siya nahimong pangulo nila, ug dihay mga upat ka gatos ka tawo uban kaniya.

1 Pedro 4:19 (Ang Biblia)

19 Busa sila nga nag-antos sumala sa pagbuot sa Dios kinahanglang magbuhat ug maayo ug magtugyan sa ilang mga kalag ngadto sa usa ka magbubuhat nga kasaligan.

A. Itugyan ang imong kaugalingon sa Dios.

B. Padayon pagbuhat ug maayo.

II. SIYA NAGPADAYON PAGPANGITA SA KABUBUT-ON SA DIOS

Salmo 57:1,7 (Ang Biblia)

1 Kaluy-i ako, O Dios, kaluy-i ako, kay ang akong kalag midangop diha kanimo; diha sa landong sa imong mga pako modangop ako, hangtod nga ang mga katalagman molabay na.
7 Lig-on ang akong kasingkasing, O Dios, lig-on ang akong kasingkasing! Mag-awit ako ug magdayeg!

1 Samuel 22:3-4 (Ang Biblia)

3 Unya si David milakaw gikan didto ngadto sa Mispa sa Moab, ug siya miingon sa hari sa Moab, “Ako naghangyo kanimo, itugot nga ang akong amahan ug ang akong inahan magpabilin uban kanimo, hangtod nga mahibalo ako sa buhaton sa Dios kanako.”
4 Ug gibilin niya sila sa hari sa Moab, ug sila nagpuyo uban kaniya sa tibuok panahon samtang si David diha sa sulod sa kuta.

A. Hinumdumi kon unsa ang gibuhat sa Dios sa miagi.

B. Pangitaa ang kabubot-on sa Dios sa umaabot.

III. SIYA MOSANONG DAYON SA PULONG SA DIOS

Salmo 57:8-11 (Ang Biblia)

8 Pagmata, akong kalag!Pagmata, O alpa ug lira! Akong pukawon ang kabuntagon! 9 Magpasalamat ako kanimo, O Ginoo, taliwala sa mga katawhan; mag-awit ako ug mga pagdayeg kanimo taliwala sa mga nasod.
10 Kay ang imong gugmang walay paglubad habog hangtod sa kalangitan, ang imong kamatuoran hangtod sa kapanganoran. 11 Halangdon ikaw, O Dios, ibabaw sa kalangitan! Ipatigbabaw ang imong himaya sa tibuok nga yuta!

I. Padayon pagpangalagad sa Dios
II. Pangitaa ang kabubot-on sa Dios
III. Mosanong dayon sa pulong sa Dios

1 Samuel 22:5 (Ang Biblia)

5 Unya ang propeta nga si Gad miingon kang David, “Ayaw pagpabilin sa kuta, pahawa ug lakaw ngadto sa yuta sa Juda.” Busa si David mipahawa ug miadto sa kalasangan sa Heret.

1 Samuel 13:14 (Ang Biblia)

14 Apan karon ang imong gingharian dili magpadayon. Ang Ginoo nangita alang kaniya ug usa ka tawo nga uyon sa iyang kaugalingong kasingkasing ug ang Ginoo nagpili kaniya aron mahimong pangulo ibabaw sa iyang katawhan, tungod kay ikaw wala magtuman sumala sa gisugo sa Ginoo kanimo.”

Mga Buhat 13:22 (Ang Biblia)

22 Ug sa gipapahawa na siya sa Dios, gituboy niya si David aron mahimo nilang hari, nga gipamatud-an niya nga nag-ingon, ‘Diha kang David nga anak ni Jesse, nakakita ako ug tawo nga nahiuyon sa akong kasingkasing, siya magbuhat sa tanan nakong mga pagbuot.’

Mga Hebreohanon 4:12 (Ang Biblia)

12 Kay ang pulong sa Dios buhi ug naglihok, hait pa kay sa espada nga duhay sulab, modulot lahos ngadto sa nag-ulang sa kalag ug espiritu, sa mga lutahan ug sa mga kauyokan ug motugkad sa mga hunahuna ug katuyoan sa kasingkasing.

Dali ka ba nga mosanong sa pulong sa Dios? Unsa may imong tubag sa pulong sa Dios mahitungod sa imong kasingkasing?

A. Abli ka kanunay sa pagpamati sa pulong sa Dios.

B. Kinahanglan abtik ka sa pagtuman sa pulong sa Dios

Ang paglangan sa Dios dili kinahanglan pasabot nga paglimod sa Dios.